مكالمة بأسم الحب

السلام عليكم ورحمة الله وبركاته


انا اليوم يبت لكم مكالمه المفروض تكون بين اثنين يحبون بعض

طبعا كل واحد منا يطير من الفرح يوم يشوف رقم الشخص اليحبه ظاهر على شاشة تلفونه

وطبعا يوم تسمع من الشخص التحبه كلام في الحب ترد عليه بعد بكلام الحب هذا الانا اعرفه وهذا المفروض وهذا الشايفينه بالأفلام العربيه بعد
لووووووول


المهم أهدكم الحين مع المكالمة بس مابي أحد يستغرب من هالمكالمه او بمعنى اصح كل المكالمات، لأن كل المكالمات متروسه بكلام الحب الغزل

نبدأ المكالمه:

الحبيب تلفونه رن مستانس لأن رغم اليحبها على الفون حلو سمعو الحين واليستحي يطلع قبل ما أبلش لأن حبيبتي على الخظ وأخاف تصكر
لووووووووووووول



هو: ألووو هلا شلونج يا قلبي شخبارج؟

هي: زفت ( خوش رد )

هو: أفا ليش عسى ماشر يا قلبي؟

هي: مالك شغل ( قصت ويه مو طبيعيه )

والحلو للحين قام يكمل بالمكالمه يشوف اشفيها

هو: أنزين يا حبي سولفي قولي اشفيج؟

هي: مالي خلق اسولف ( لا واهي الداقه بعد )

هو: أفا مالج خلقي حتى أنا؟

هي: أي حتى أنت ( برود اعصاب مو طبيعي )

هو: اي بس أنا حبيبج يا قلبي المفروض عندج غير كل الناس؟

هي: شنو حبيبج وشنو قلبي مراهقين احنا؟ ( عيل شيقولج يما ولا خيتو يبا يحبج )

هو: لا ياقلبي مو مراهقين أحنا نحب بعض وكلمة حبيبتي وحبيبي عادي بينا

هي: أسكت خلاص ( بصراحه هني جعمته يعني سكتته )

هو: يناديها بأسمها هني؟ ( انا مابي اذكر اسامي )

هي: نعم ( بس تقولها بمعنى خير اشعندك اخلص قول اشتبي )

هو: أحبج

هي: جب ( وربي هذي بصج قويه )

هو: أفا انا جب؟ ( وربي كسر خاطري )

هي: اي أنت ( لا ومصره بعد أنزين رقعيها )

هو: أوكي

هي: انت ما تحبني؟ ( بعد كل القالته عنه واهو ساكت صار ما يحبها )

هو: عيل لو ما احبج ليش هديت ال 32 بنت عشانج؟ ( اهو بصج هدهم )

هي: انت تنرفزني بهالكلام ( المفروض انها تفتخر هد الكل عشانها )

هو: خلاص يا قلبي صكري الموضوع

هي: أنت جذاب وقام تخوني ( لحوول قالج هد الكل عشانج )

هو: انا ما خنتج ولو كنت بجذب عليج ما كنت صارحتج بكل شي من البدايه

هي: لا انا الكل يقولي انك قام تخوني

هو: انزين قولي منو القالج او واجهيني فيه عشان ابينلج منو الكلامه صج؟

هي: لأ اهو حلفني اني ماييب طاريه جدامك ( هذا اكبر دليل على جذبه بس وين اليفهم لأن لو كلامه صج كان يواجه حبيبها )

هو: أوكي يا قلبي

هي: مو تقول قلبي ( انا ادري انها بدليه بس اهي تقول جذي )

هو: ليش؟

هي: بس لو قلت جذي بصكر الخط بويهك ( حدها هالمره قويه )

هو: أوكي ماني قايل ( مسكين والله كسر خاطري ولهان عليها )

هي: ( ساكته ما قام تتكلم )

هو: يا قلبي متى بتردين الكويت؟

هي: ما أبي أرد

هو: ليش؟

هي: ما أبي اشوفك (انا قلتلكم انها قويه )

هو: ما ولهتي علي؟ ( وربي يكسر الخاطر )

هي: لأ ( وبكل ثقه )

هو: لا يا قلبي تكفين ردي حدي ولهان عليج؟ ( والله كان بيموت من الوله )

هي: بس عاد لا تحن صاير مثل البنات وايد تحن ( جرحته وكل ذنبه انه ولهان عليها )

هو: ( ساكت ومستغرب مو مصدق اذونه وهذا اهو يحبها وتقوله جذي )

هي: يلا انا بصكر قول باي يلا قول باي ( انتي خليتي فيها باي )

هو: باي ودربالج على روحج ( بس للحين مصدوم من السمعه )




وخلصت المكالمه أشرايكم واضح حيل انها تحبه صح؟
لوووووووووووووووووول

بس على فكره هالمكالمه مو من تأليفي هذي المكالمه صارت بصج

لا وبعد كل هذا قالتله ما أبيك

العنوان مال الموضوع مكالمه بأسم الحب

بس اهي مكالمه تضايق تعذب ودايما فيها كلمة تجرح

في اشياء وايده ما حبيت اذكرها

المهم اشرايكم بالموضوع؟ وهل اهي تحبه مثل ما يحبها؟

وناطر ردودكم